CLUB DE LECTURA DE NAIS E PAIS

No club de lectura de adultos despois dunhas sesións de preparación van ler unha obra completa sobre a formación dos seus fillos: “La edad del pavo” de Alejandra Vallejo-Nájera, a guía imprescindible que precisan os pais para entender e comprender aos seus fillos e fillas adolescentes (coma a contraportada do libro apunta).

A autora, Alejandra Vallejo-Nájera é psicóloga e divulgadora científica, indica dun xeito divertido as claves para un achegamento positivo entre pais, profesores e adolescentes.

La edad del pavo VER PRESENTACIÓN DESCARGAR TODO

Trátase dun libro que inclúe diálogos entre pais e adolescentes e que busca axudar aos pais a comprender aos  seus fillos e fillas nesta idade.

Sesión final de “Os fillos do mar”.

Aquí tedes a valoración da lectura e as fotos dos marcapáxinas de agasallo que recibiron por ser un lectores de campionato:

		Premio ao mellor lector de "Os fillos do mar" VER PRESENTACIÓN DESCARGAR TODO

Club de lectura de Francés de 4º da ESO

Este numeroso grupo de club de lectura de Francés 4º da ESO está lendo a obra de Tahar ben Jelloun Le racisme expliqué à ma fille Seuil. Na obra un pai (o autor) conversa coa súa filla de 10 anos sobre o racismo, nun diálogo sinxelo e intelixente. Trátase dunha lectura amena, que percorrendo unha temática de actualidade realiza a función de que o alumnado aprenda competencias da lingua francesa seguindo as indicacións e pasos da coordinadora do club, María Rodríguez do Departamento de Francés.

Club de lectura de ESCOLA DE FAMILIAS do IES de Poio

Desde comezo de ano iniciou a súa marcha o club de lectura de Escola de Familias coordinado pola orientadora Laura Malvar e integrado polas familias dos nosos alumnos. Trátase dunha idea orixinal e interesante que comeza xa a dar os seus froitos.

Velaquí deixámosvos dúas fotografías de interese:

-Na primeira atopamos a algúns dos membros do club nunha das reunións mensuais na Biblioteca.

 

- Na segunda fotografía vemos unha suxestiva dinámica que realizou o club na última sesión. Tratouse de compartir un fío de la dun ovillo. Cada compoñente do club ía collendo por quendas a la e expresaba medos e esperanzas respecto dos fillos. A continuación agarraba o fío e dáballo a outro membro ,de tal xeito que o resultado final foi unha tea de araña, unha maraña, unha rede de fíos (como se pode observar na foto)... Dito resultado representa multitude de interesantes cuestións: pode ser a imaxe da mente dos adolescentes, a rede de fíos tendida entre as familias no club...

A lectura compartida do club de Escola de Familias é La edad del pavo de Alejandra Vallejo-Nágera...

O club de lectura de Banda Deseñada presenta as súas actividades a alumnos italianos

Con motivo do proxecto Erasmus Plus que se está a levar a cabo no IES de Poio o club de lectura de Banda Deseñada aproveitou para presentar a súa actividade a alumnos italianos. Compartimos con eles as lecturas deste ano, ensinámoslles o blog, etc... Casualmente algúns coñecían a lectura coa que andamos agora, "Death Note", e falaron no seu favor.

Alumnos dos clubs de lectura compartiron o día de Rosalía con alumnos de Polonia, Chequia, Grecia e Italia

Alumnos dos clubs de lectura presentaron ao alumnado do proxecto Erasmus Plus o día de Rosalía coa intención de dar a coñecer parte da nosa cultura literaria a alumnos doutros países. Aproveitamos para ler poesía con eles. Aquí vos deixamos unha mostra:

Nasín cando as prantas nasen,

no mes das froles nasín,

nunha alborada mainiña,

nunha alborada de abril.

Por eso me chaman Rosa,

mais a do triste sorrir,

con espiñas para todos,

sin ningunha para ti. 

Desque te quixen, ingrato,

todo acabóu para min,

que eras ti para min todo,

miña groria e meu vivir.

¿De qué, pois, te queixas, Mauro?

¿De qué, pois, te queixas, di,

cando sabes que morrera

por te contemplar felís?

Duro cravo me encravaches

con ese teu maldesir,

con ese teu pedir tolo

que non sei qué quer de min,

pois dinche canto dar puden

avariciosa de ti.

O meu corasón che mando

cunha chave para o abrir.

Nin eu teño máis que darche,

nin ti máis que me pedir.

Cantares Gallegos, Rosalía de Castro

 

Reparto de personaxes en "A RATEIRA" de Ágatha Christie

   Está mañá na sesión de clubs de lectura de 2º de ESO fixemos o reparto de personaxes da obra que estamos lendo "A rateira"; artellamos pois unha versión do xogo que nos mostrou Nine Paz (que tamén nos prestou os libros) do Club de lectura do CEIP Progreso (Catoira) coa fin de meternos máis profundamente na pel e no perfil dos personaxes da obra de teatro.

   

   A nosa idea final é que o asasino ou asasina deberá ou deberán invitarnos a golosinas na última sesión da posta en común da obra.

   O noso elenco particular para a obra de Ágatha Christie é:

Cal deles será o asasino??????

Nova lectura no club de 3º de ESO: OS FILLOS DO MAR de PEDRO FEIJOO.

Presentamos a nova lectura do segundo trimestre, lectura para campións:

"Os fillos do mar" de Pedro Feijoo... aventuras, intriga, historia, asasinatos, tesouros, todos os elementos para cativar aos lectores.

Despois de moitos debates:

Lemos non lemos... é moi groso... non sei se poderei... parece interesante...

Por fin chegamos a un acordo: leremos as cen primeiras páxinas e xa veremos...

Fixemos a presentación do libro, unhas palabras sobre o xénero, o autor, a trama, as intencións do autor... e chegou a decisión:  imos intentalo.

A coordinadora sabía que varios dos compoñentes do club ían engancharse e non poderían quedar nas cen primeiras páxinas (igual que sabe que varios van intentalo e abandonarán) pero as novas experiencias sempre son positivas, e logo...

Xa temos a María que rematou a lectura e a Carme que pouco lle falta, e son as primeirassss!!!!

Os retos son bos pero se van da man dun escritor como Pedro Feijoo sempre se pode auspiciar bos resultados.

Xa vos iremos contando....

“O pintor do sombreiro de malvas” Encontro con Marcos Calveiro.

Esta mañá recibimos ao escritor MARCOS CALVEIRO na nosa biblioteca; xa nos acompañara no 2011 coa lectura de “O pintor do sombreiro de malvas” e encontrámonos de novo para falar desta mesma lectura (Club de 3º de ESO) e comentar as sensacións que lles produciu a obra aos nosos lectores e lectoras.

Marcos fíxonos unha pormenorizada presentación das súa obra: Os paralelismos entre o que hai de realidade entre a novela e a vida de Van Gogh, entre  o Auvers real e o literario, de como cada capítulo correspóndese cun cadro, os personaxes creados a partir de personaxes das pinturas, etc.

Á pregunta de por qué escolleu a Van Gogh respostou:

O punto que suscitou o debate máis intenso entre o escritor e os seus lectores foi o do final aberto, que tando disgusto causara nos lectores do noso club; así llo explicou o escritor:

“Todas as miñas obras teñen un final aberto por que a vida é un final aberto, podes ter a túa vida organizada e de súbito todo muda, por iso me gustan os finais abertos. O libro que máis me costou de escribir foi “Festina Lente”, tardei cinco anos en rematalo. Non escribín ningún libro cun final pechado, todos acaban cunha fuxida.”

Grazas Marcos por acompañarnos, esperamos que volvas de novo con novas historias para ler.

Sesión final de "O pintor do sombreiro de malvas"

Aquí temos finalmente a derradeira sesión de "O Pintor do sombreiro de malvas" de Calveiro, conclusións e valoración final: