Blog creado pola biblioteca de IES de POIO para todos os seus alumnos, ou os que non o sexan. Diario de abordo dos CLUBS DE LECTURA.
19.6.13
Os escritores LEDICIA COSTAS e XESÚS CONSTELA acompáñannos na despedida dos Clubs de lectura 2012/13.
Coma xa adiantamos, o pasado luns celebramos a clausura das actividades dos clubs de lectura do curso 2012/13 en moi boa compañía. A pesar da ausencia dos alumnos de 2º de bacharelato que xa remataran e dos de 1º de bacharelato que tiñan un exame, xuntamos un nutrido grupo de alumnos e alumnas lectores.
Compartimos o xantar e xa na sobremesas, coas “galletitas lectoras” e a rosca chegaron as palabras dos nosos invitados para todos nós; aplausos, sorrisos, bromas, frases ditas do revés e as fermosas palabras dos que escriben para quen os len.
Moi bo ánimo para despedir un curso lector que se acaba e as boas intencións de seguir lendo; para o ano máis clubs e máis libros.
Grazas aos escritores, grazas aos nosos alumnos e alumnas participantes e tamén ás nosas marabillosas coordinadoras: Mercedes, Carme e Montsiña ( sen elas nos serían posibles os clubs).
En primicia: o vindeiro curso abrirá a sesión inicial Elena Gallego Abad e o seu DRAGAL.
E máis imaxes e son para aprender a falar do revés:
Ledicia Costas cos Clubs de lectura do IES de Poio.
17.6.13
DESPEDIMOS O CLUB DE LECTURA
Este mediodía tivemos a clausura das actividades dos clubs de lectura por este curso académico: informal, divertida, lectora e alimenticia; Os compoñentes dos clubs da ESO e 1º de Bacharelato xuntámonos para o xantar e estivemos acompañados polos escritores Ledicia Costas e Xesús Constela. Puidemos conversar con eles, falar de lecturas e agasallarnos cunhas "galletitas lectoras" doces e saborosas que nos deixaron un bo sabor de boca para continuar o curso que vén.
Boas vacacións para todos e todas:
Suscribirse a:
Entradas (Atom)