Este mes, tras unha reorganización dos grupos de lectura, iniciamos a nosa andaina de prácticas lectoras cun novo club; Esta sección de 1º de ESO está composta por:
Maena (1º ESO B),
Mónica, Natalia, Sara e Sayonabou (1º ESO C),
Gabriela, Verónica e Cristina(1º ESO A)
Benvidas todas elas ao noso recuncho lector.
Blog creado pola biblioteca de IES de POIO para todos os seus alumnos, ou os que non o sexan. Diario de abordo dos CLUBS DE LECTURA.
7.3.14
O Día da Muller na Banda Deseñada:
Interesantes entradas do blog de Komic Librería para celebrar o Día da muller:
Mulleres protagonistas de comic:
Mulleres que escriben comic:
De lectura recomendada para os participantes no noso club de banda deseñada (agradecemos á Librería Komic as súas recomendacións).
No club de Linguas Clásicas lemos a Catulo.
Tamara e Sonia fan unha breve introducción á Lírica latina e a Catulo, o poeta que estamos a ler esta avaliación:
22.2.14
KAFKA e a boneca viaxeira: A viaxe de Bríxida.
Fagamos un percorrido polo mundo da man de Bríxida...
http://desequilibros.blogspot.com.es/2011/06/la-muneca-que-escribia-cartas-su-duena.html#.UwnUyvl5M38
5.2.14
26.1.14
CIRCE OU O PRACER DO AZUL de BEGOÑA CAAMAÑO
A nosa lectura para o club de 4ºde ESO neste trimestre é a novela de Begoña Caamaño: Circe ou o pracer do azul.
Sensibilidade, feminidade e feminismo, o romanticismo da mitoloxía clasica, o heroe, a beleza e o lirismo da linguaxe, a recreación literaria realizada con arte e respecto polo texto orixinal, a fermosura, os sentimentos, a tradición, a amistade, a fidelidade... son todos eles trazos que podemos atopar nesta obra.
Dúas mulleres que se encontran na vida xirando arredor dun home Ulises e que nolo presentan desde vivencias moi diferentes; unha profunda amistade que se vai tecendo entre elas a través das súas epístolas. A maxia, o amor, o pracer misturados coa tradición literaria envólvennos coa sensibilidade feminina e feminista das dúas personaxes principais.
A beleza no tratamento da linguaxe, a delicadeza e o lirismo, a riqueza da escolla léxica fan desta novela unha obra de arte.
Todos os elementos homéricos están presentes na obra: a beleza de Circe, a longa espera de Penélope, o tear no que a dona de Ulises tece e destece pero o centro da trama non está no heroe senón nas súas mulleres e arredor delas o profundo azul do mar que as separa e as achega.
Ao longo das postas en común iremos comentando a evolución das personaxes e a relación que se establece entre elas.
15.1.14
ALGUNHAS CONCLUSIÓNS DE "NELA"...
Nesta ocasión o libro de Nela gustou a
todos os participantes do club de lectura de banda deseñada. Aquí
extraemos algúns dos comentarios dos nosos lectores.
Soraya: “O cego simboliza que a
humanidade canto máis lle des máis dano vai facer. As sociedades
avanzadas son as que máis dano fan ao mundo e as persoas...”
Brandán: “O cego pode ver o que non
se ve”
“O cego era boa persoa ata que
recuperou a vista”
Laura: “O libro suxire que ás veces
os que verdadeiramente estamos cegos somos o que temos vista porque
non nos fixamos no que é certamente unha persoa, distraémonos con
outras cousas...”
Ambar: “É un libro triste, mais
gustoume moito”
Sofia: “Unha obra triste e bonita á
vez”
11.12.13
CREANDO HISTORIAS: Nomeado membro "especial" dos clubs de lectura.
O pasado luns tivemos unha visita especial na sala de profesores; buscando a caloriña un saltón achegouse ao cristal, a profe de Bioloxía fotografouno e fíxoo famoso en Facebook xerando unha conversa a tres bandas entre profe de bioloxía e as coordinadoras dos clubs.
A conclusión: vimos de nomealo novo membro dos clubs de lectura do IES de Poio... e aquí o tedes... a que é lindo????
Podería ser o protagonista de moitas lecturas:
Alguén se anima a convertilo en personaxe, por exemplo, dun relato ou dun poema??? Poderiamos comezar dándolle un nome... e logo???
Esperamos as vosas colaboracións, enviádeas ao seguinte enderezo electrónico:
bibliotecaiespoio@gmail.com
Suscribirse a:
Entradas (Atom)